Тәуелсіздік мерекесінде халыққа қызмет көрсету орталықтары қалай жұмыс істейтіні  белгілі болды.

ХҚКО-лар мен мамандандырылған ХҚКО-лар 16 желтоқсанда демалады, деп хабарлайды  Altaynews.kz тілшісі «Азаматтарға арналған үкіметтің» баспасөз қызметіне сілтеме жасап.

«Тәуелсіздік мерекесіне орай мемлекеттік корпорациялар сенбі, яғни 16 желтоқсанда жұмыс істемейді. Дүйсенбі, 18 желтоқсанда, сағат 13.00-ге дейін тек кезекші қызмет көрсету орталықтары мен арнайы қызмет көрсету орталықтары азаматтарды қабылдайды», – делінген хабарламада.

Сейсенбі, яғни 19 желтоқсаннан бастап мемлекеттік корпорация әдеттегідей жұмыс істейді. «Азаматтарға арналған үкімет» орталықтары жұмыс күндері сағат 9.00-ден 18.00-ге дейін азаматтарды қабылдайтынын еске салды.

Кезекшілік қызмет көрсету орталықтары дүйсенбіден жұмаға дейін сағат 9.00-ден 20.00-ге дейін және сенбі күні сағат 9.00-ден 13.00-ге дейін жұмыс істейді.