«Қазгидромет» РМК Өскеменде ауа сапасының нашарлайтындығын хабарлады.

25 желтоқсан күні Өскеменде екінші дәрежелі төтенше жағдай кешке дейін жалғасады. Қазгидрометтің хабарлауынша, осыған байланысты бүгінде облыс орталығында ауаның жоғары ластануы күтілуде, - деп хабарлайды Altaynews.kz тілшісі.

Кеше 24 желтоқсанда қалада да ҰМУ болған кезде бірнеше зиянды заттар атмосферадағы шекті рұқсат етілген концентрациядан (ШРК) асып кеткен. Оның ішінде күкірт диоксиді – 3,2 есе, күкіртсутек – 2,6 есе, көміртек оксиді – 1,4 есе асқан.