Өскемен гарнизоны бастығының кубогына арналған әскери қоян-қолтық ұрыстан жарыс өтті.

Өскемен гарнизоны 27943 әскери бөлімінде Өскемен гарнизонының күштік құрылымдары және әскери бөлімдер арасында әскери қоян-қолтық ұрысынан сайыс өтті.  Жыл сайын ұйымдастырылатын бұл додаға күштік құрылым офицерлері асқан белсенділікпен қатысты, деп хабарлайды Altaynews.kz тілшісі.

Гарнизон бастығының кубогы үшін жалпы саны 60-тан аса  әскери қызметшіден тұратын 8 команда  таласты.

Сайыстың іріктеу кезеңінен бастап ақтық сынға дейінгі аралықта өткен жекпе-жектердің барлығы тартысқа толы болды. Түрлі салмақта сынға түскен әрбір жауынгер нағыз бабында екендіктерін көрсете білді. Бұл әскери қызметшілердің шеберлігін шыңдап, тәжірибе жинауларына үлкен себеп болды.