Шығыс Қазақстан облысы еліміздегі энергетиканың тоқтаусыз соғып тұрған жүрегі әрі көзі іспетті. Аймағымызды айтпағанда, Шығыстан тарайтын электр энергиясының шапағатын Қазақстанның бірқатар өңірлері де көріп отырғаны ақиқат. Елімізде желтоқсан айының 22-сі Энергетиктер күні деп белгіленген. Осыған орай Өскемендегі “Ертіс концерт” залында Шығыс Қазақстан өңірінің энергетика саласындағы еңбек жетістіктері мен энергетикалық инфрақұрылымды дамытуға қосқан үлесі үшін үздік қызметкерлерді марапаттау рәсімі өтті,- деп хабарлайды Altainews.kz тілшісі.

Салтанатты рәсімге Шығыс Қазақстан облысының әкімі Ермек Көшербаев қатысып, энергетика саласы мамандарын өз атынан және барша тұтынушылар атынан кәсіби мерекелерімен құттықтады.

Кеш барысында облысымызға еңбегі сіңген бірқатар энергетиктер түрлі марапаттарға ие болды.
Атап айтар болсақ, "Құрмет" Орденімен Амангелді Нұрғалиев, ІІІ дәрежелі "Еңбек даңқы" Ордендерімен Сергей Балашов пен Марина Сараева марапатталса, "Ерен еңбегі үшін" медальдарымен Серік Байсаринов, Дәурен Аскетаев және Сергей Костин марапатталды. 
"Еңбек сіңірген энергетик" төсбелгілері Владимир Трусовтың, Олег Бондарь мен Александр Тимошиннің, ал "Құрметті энергетик" төсбелгілері Асхат Бұқатов пен Иван Коробейниковке берілді. 
Серік Атшабар, Марина Стрельцова, Евгений Ляпунов, Михаил Коротков, Константин Неверов, Игорь Худяков, және Александр Волужев сынды энергетиктер "Электр энергетикасы саласына қосқан үлесі үшін" медальдарын иеленді.

Энергетика министрлігінің “Құрмет грамотасымен” Олжас Асылханов, Александр Цирульников, Алексей Абросимов, Дмитрий Дягель, Анатолий Кузнецов, Марина Паньшина, сондай-ақ, облыс әкімінің “Құрмет грамотасымен” Антон Гордеев, ал Алғыс хатымен Вячеслав Романов, Кристина Колмакова, Сергей Логашкин, Елена Семенова, Сержан Сүлейменов, Қайрат Мұқашев, Виталий Орлов, Александр Жижерин, Жеңісбек Баймұхамбетов, Анатолий Иванов және Мақсат Баркеновтар марапатталды.  

Кеш соңы өскемендік өнерпаздардың салтанатты концертіне ұласты.

Серік Құсанбаев
Фото: Махаббат Ахметжанова