ШҚО-да ҚР ТЖМ "Өскемен-2024" өрт сөндіру-құтқару спорты бойынша ерлер арасында ХХХІІ, әйелдер арасында Х, жасөспірімдер арасында ІХ қысқы чемпионат өтеді.

Ел чемпионаты 28 ақпан мен 1 наурыз аралығында Өскемен қаласында өтеді, деп хабарлайды Altainews.kz тілшісі.

Чемпионатқа республиканың түкпір-түкпірінен 22 команда қатысады деп жоспарланып отыр. Ерлер, әйелдер және жасөспірімдер командасы айтқанда 4-қабаттың терезесіне шабуыл сатысы бойынша көтерілу және 100 метрлік кедергілері бар жолақты жүгіріп өту бойынша сынға түседі.

Өрт сөндіру-құтқару спорты – жеке, топтық сынақта өрт сөндіру практикасында қолданатын әртүрлі тәсілдер кешенін орындау болып табылатын спорттың қызметтік-қолданбалы түрі.

Қысқы чемпионат ШҚО ТЖД спорт манежінде өтеді. Онда спортшылардың жақсы нәтиже көрсетуі және жоғары деңгейде жарысуы үшін барлық жағдай жасалған.