Риддерліктер Алғыс айту күніне орай патриоттық челлендж өткізді
Фото: Александра Исаева
Риддерде айтулы мерекеге арналған ерекше челлендж өтті. Іс-шара Риддер әкімі Дәулет Батырбаевтың бастамасымен ұйымдастырылған.
Кеше спидвей бойынша мотоцикл жүргізушілері арасында жарыс өтті. Ал, бүгін патриоттық флешмоб аясында көк байрақты желбіретіп, ұлттық киім киген қатысушылар таудан шаңғымен сырғанап түскен, деп хабарлайды Altainews.kz тілшісі.
Сондай-ақ тұрғындар көліктерден бейбітшілік пен келісімді бейнелейтін көгершін бейнесін жасаған.
- Алғыс айту күні - әрбір ел тұрғыны үшін ерекше мерекелердің бірі екені сөзсіз. Осындай қызықты шаралар арқылы қала тұрғындарына, әсіресе жастарға Алғыс айту күнінің мән-маңызын түсіндірсек дейміз, - деді Риддер қалалық ішкі саясат, мәдениет, тілдерді дамыту және спорт бөлімінің басшысы.
Оқи отырыңыз
