Үлкен Нарын ауданында тұрғын үйлердің аумағына қарғын су жайылып жатыр, деп хабарлайды Altainews.kz тілшісі.

Аудан орталығындағы Рыков және Астана көшелерінің бойында орналасқан 11 үйдің ауласын су шайып өтті. Алтынбел ауылында 10 ауланы су басты.

Облыстық төтенше жағдайлар департаментінің қызметкерлері мен жергілікті атқарушы орган өкілдері дер кезінде суың арнасын бұрып, топырақ төгіп, қап төседі.

Естеріңізге саламыз, 30 наурыз бен 2 сәуірі аралығында облыс аумағында жауын-шашын жауып, ауа температурасы жоғарылайды. Күн райына байланысты ескерту де жарияланды. Сондықтан бұл кезеңде су деңгейі көтеріліп, қарғын судың ағыны күшеюі мүмкін.

Тұрғындарға  арықтарды тазартып, алдын ала үй аумағын қоршауға арналған материал дайындауға кеңес берілді.

Төтенше жағдай туындса, «112» нөміріне қоңырау шалыңыз.