Өскемендіктер қала күнін қалай атап өтеді?
![](/kz/uploads/posts/2024-08/f7c1090b-bfc4-4de8-a764-44ed8ef660f8.webp)
Өскемендіктер 30 тамызда қос мерекені қатар атап өтеді. Оның бірі Конституция күні болса, екіншісі – қала күні. Айтулы күнде отыздан астам іс-шара ұйымдастырылады, деп хабарлайды Altainews.kz тілшісі.
Бұл күні қала ішіндегі алаңдарда спорттық және мәдени іс-шаралар ұйымдастырылып, жаңадан салынған скверлер мен жөндеуден өткен нысандар халық игілігіне берілмек. Сондай-ақ ескі жылдардың естелігін еске салатын автошеру өтеді. Өскемен әкімдігінің өкілдері баспасөз мәслихатында мерекелік шаралар бағдарламасына кең тоқталды.
26 тамыз күні сағат 18.00-де «Достық» үйінің жанында ретро фестивалі өтіп, автошеру болады.
26 тамызда сағат 15:00-де Амфитеатрда «Ұлы дала батырлары» спорттық іс-шарасы (жекпе-жек) өтеді.
27 тамыз күні сағат 18.00-де жаңа жағалауда іс-шаралар легі жалғасады. Сондай-ақ 19:00-де OSKEMEN STARS қалалық караоке байқауының финалы өтеді.
28 тамызда сағат 18:00-де «white PARTY» интерактивті ойындар кеші өтеді.
30 тамызда негізгі іс-шаралар Республика алаңында жалғасады. Қарбыз фестивалі (10:00-ден бастап) және Конституция күніне арналған концерттік бағдарлама 11:00-де басталады.
Ал кешке сағат 18:00-де қазақстандық эстрада әртістерінің қатысуымен концерт өтеді. Оған Janat Turushbekov (Jax), Қобыланды Болат (Koba), Dake, Максим Ержан, Әміре қатарлы өнер жұлдыздары қатысады.
Сағат 22: 00-де-отшашу болады.