Әлеуметтік қорғау жүйесі қызметкерлерінің күні жыл сайын қазан айының соңғы жексенбісінде аталып өтеді, деп хабарлайды Altainews.kz тілшісі.

Бұл мерекені Еңбек және халықты әлеуметтiк қорғау министірлігі мен оның өңірлердегі құрылымдары және әлеуметтік сақтандыру қоры органдарының қызметкерлері атап өтеді.

Бүгінде халықты әлеуметтік қорғау жүйесінде 35 мыңнан астам маман еңбек етеді. Арнаулы әлеуметтік қызметтерді 830 жуық мемлекеттік ұйым, 180 астам ҮЕҰ көрсетеді. Олардың атқарған жұмысы әділ және гуманистік қоғамның қалыптасуы мен дамуына қосқан үлес болып табылады.