Бокс, грек-рим, волейбол. Көкпектідегі кешен қалай жұмыс істейді?
Көкпекті ауданының әкімі жақында салынған шынықтыру-сауықтыру кешенінің алдағы жұмысы туралы айтты, деп хабарлайды Алтайньюс тілшісі.
Облыстық ақпарат орталығында Көкпекті ауданының әкімі Серікқазы Сәдуақасов баспасөз конференциясын өткізді. Әлеуметтік-экономикалық даму мәселелеріне тоқталған аудан басшысы шынықтыру-сауықтыру кешенінің жұмысы туралы да сөз қозғады.
– Кешен толықтай салынып бітті. Құрылыс жұмыстарына 702 миллион теңге жұмсалды. Жұмыс жоспарына келсек, воллейбол, грек-рим күресі, бокс сынды үйірмелері ашылатыны анық. Өзге де жоспарларды қауым болып ақылдаса келе жүзеге асырамыз. Жалпы нысанды бірінші қарашада салтанатты түрде ашуды жоспарлап отырмыз, – деді Серікқазы Сәдуақасов.