Облыстық құрылыс, сәулет және қала құрылысы басқармасының басшысы Ернар Мәулетхановтың айтқандарына сүйенер болсақ, алдағы уақытта облыс орталығында балабақшалар саны артады, деп хабарлайды Алтайньюс тілшісі.

Мәселен, мемлекеттік-жекеменшік әріптестік аясында төрт балабақшаның жобалық-сметалық құжаттамасын әзірлеу аяқталған.

– Олар І.Есенберлин даңғылы бойындағы 84 айқындамада, Көкжал Барақ, Өтепов көшелерінде және 23 тұрғын ауданында салынатын болады. Қазір ЖСҚ-ды білім басқармасының теңгеріміне беру жұмыстары жүргізілуде. Бұларға қоса Семей қаласының Степной кентінде, Күршім ауданының Жолнұсқау ауылында және Риддер қаласында келешекте салынатын білім саласы нысандарының және студенттерге арналған 6 жатақхананың жобалық-сметалық құжаттамалары дайындалуда, - дейді басқарма басшысы.