Өскеменде 1 маусымнан бастап суық су мен кәріз қызметі жаңа тарифке көшеді
Маусымның бірінен бастап Өскеменде суық су мен кәріз қызметі қымбаттайды, деп хабарлайды Алтайньюс.
«Өскемен-Водоканал» компаниясы жаңа бағалардың кестесін ұсынып отыр.
Естеріңізге сала кетейік 2015 жылы монополияға қарсы күрес ведомствосы «Өскемен-Водаканал» ҚМК тарифтерінің бесжылдық біртіндеп өсу жоспарын бекіткен болатын. 31 мамырда сумен қамтамасыз ету және кәріз қызметтерінің аталған жоспарға сәйкес жұмыс істеу кестесінің үш жылы аяқталады. 1 маусымнан бастап жаңа тариф жүзеге асырыла бастайды.
Жаңа тариф:
Суық су
Текше метріне (есептегіш құралмен) бұрын 61,89 теңге болса, жаңа тарифпен – 69,96 теңге.
Адам басына ай сайын (есептегіш құралсыз) бұрын 470,63 теңге болса, жаңа тарифпен – 531,95 теңге.
Кәріз қызметі
Текше метріне (есептегіш құралмен) бұрын 68,13 теңге болса, жаңа тарифпен – 69,38 теңге.
Адам басына ай сайын (есептегіш құралсыз) бұрын 735,66 теңге болса, жаңа тарифпен – 749,20 теңге.