Өскемен қалалық ІІБ-нің баспасөз қызметінің хабарлауынша, 13 мамыр күні таңғы сағата 08:30 кезінде 27 жастағы қала тұрғыны «Тойота Камри» маркалы автокөлігімен Меновное кенті жағынан шығып, Жібек Жолы көшесінің бойымен Сәтпаев даңғылына қарай  келе жатқан.

Алдындағы көлікті басып озуға талпынған ер адам қарама-қарсы бағыттағы ВАЗ-11183 маркалы автокөлігімен соқтығысады. Қатты соққының салдарынан машина кері бұрылып кетіп, “Камри”  жүргізушісі сол жақ бағыттағы «Тойота Сюрф» маркалы автокөлігіне тағы соғылады.

Құқыққорғау органдарының қызметкерлері екі бірдей жол-көлік оқиғасына себепкер болған ер адамның көлік құралын жүргізуге құқығы жоқ екенін және орташа деңгейде мас болғанын анықтап отыр.