Әр ұлттың ұлттық тағамдары сол халықтың болмысын, тарихын, мәдениеті мен дәстүрлерін айқын аңғартады. Қазақстан халықтарының бірлігі күні мерекесіне орай, Семей қаласының тұрғындары шешен-ингуш, ұйғыр, әзербайжан, неміс сынды түрлі этнос өкілдері әзірлеген тағамдарын тамашалап қана қоймай, дәм тату мүмкіндігіне де ие болды.

Қазақ тағамдары негізінен ет пен сүттен тұрады. Шаһарымыздағы «Айша –бибі» ұлттық-мәдени орталығының ақ жаулықты апаларымыз да барынша дайындалып, таңертең ерте пісірген бауырсақтың бірнеше түрін алып келген екен.

Сондай-ақ, өзбек ұлтының дастарханы ерекше жайқалып тұрғандықтан болар, жиналған халық олардың тағамдарының жасалу жолын айтып берулерін сұрады.

[su_slider source="media: 30506,30507,30508"]