Д.Серікбаев атындағы Шығыс Қазақстан Мемлекеттік Техникалық Университетінің ғылыми кітапханасы мен Қазақстан халқы Ассамблеясы қоғамдық кафедрасы «Н.Назарбаевтың «Тәуелсіздік дәуірі» кітабы саналы азаматтың көзімен» атты эссе байқауын өткізді. Оған университеттің 1-2 курс студенттері қатысты.

 - Аталған конкурс жастардың  рухани тұрғыдан дамуын байқау, болашақ кәсіби мамандықтары мен ғылыми зерттеулерге бейімділігін анықтау мақсатында ұйымдастырылды, - дейді кітапхананың жетекшісі Назым Тілеубекова.

Байқаудың нәтижесінде үздік жұмыс иелеріне грамоталар мен сыйлықтар табыс етілді.  Бірінші орынға 1 курс студенті Аяжан Серіктаева, екінші орынға тағы бір 1 курс  Ирина Родионова, ал үшінші орынға  екінші курс студенті Ануар Төлебаев лайық деп табылды.