Семейлік коммуналшылар қала көшелерін судан тазартуды мықтап қолға алса керек. Атап айтқанда 12-24 наурыз аралығында 12, 5 мың текше метр су шығырылып, 1400 текше метрден аса инертті материалдар жеткізіліпті.

Өткен тәуліктің өзінде тұрғындардан 40 тақау өтініш түсіп, 13 мекенжайдан 1094, 5 текше метр су сорылған екен. Сол сияқты 38 өтініш бойынша қосымша инертті материалдар жеткізілді. Бұл іске 17 бірлік техника мен арнайы қондырғы тартылған. Тұтастай алғанда 16-23 наурыз аралығында 224 өтініш қабылданған-ды. Су басу қаупі бар аудандарда мониторинг тәулік бойы жүргізіліп келеді. Осы ретте тиісті органдар, су деңгейі көтерілген жағдайда 56-99-43 нөміріне хабарласуын сұрайды. Бұл байланыс нөмірі бойынша еріген қар суын тазалау және инертті материалдарды жеткізуге қатысты өтініштер қабылданады екен.