Облыстық Спартакиадада озық болды
Жуырда Өскемен қаласында «Самұрық – Қазына» АҚ ұйымдастыруымен 8 – 10 класс оқушылары арасында «Sport fest» атты облыстық Спартакиада өткен еді. Осы жайлы аудандық білім бөлімінің әдіскері С. Қыржыбаев былай дейді:
-Спартакиадаға Аягөз ауданының да оқушылары қатысып, бақтарын сынап қайтты. Оқушыларымыз 5 жүлделі орындармен оралды. Жүлделі орындарға келетін болсақ, № 3 орта мектебінің оқушысы Сексенбаева Аружан және К. Бозтаев атындағы орта мектебінің оқушысы Үмбетов Елжан шахмат жарысында ұлдар, қыздар арасында топ жарып, екеуі де І орын алды.Сергиополь орта мектебінің оқушылары қыздар арасында Айдарова Әмина тоғызқұмалақ жарысында ІІ орын иеленсе , Смағұлов Серік ІІІ орын иеленді. Жарыстың ақырғы күні біздің футболшыларымыз ақтық ойында Бородулиха ауданының ойыншыларын 5 : 2 есебімен тізе бүктіріп, І орын иеленді. Техникалық әдістері әбден жетілген , біздің командаға қарсылас команда болмады. Жеңімпаздарымызды атап өтейік:№ 5 орта мектебінің оқушылары Сериков Нарун, Нұғыманов Ерасыл, № 1 орта мектебінің орта мектебінің оқушылары Тұрсынбаев Нұрсұлтан, Серікқанов Сарқыт, мектеп –лицейдің оқушылары Аутов Жан, Толқынбай Мейрамбек, Мұратов Эльдар. Жеңістерге жете беріңдер демекпіз!!!
Баскетбол, үстел теннисі, әскери – қолданбалы спорт жарыстарында да оқушыларымыз барын салғанын айта кеткен ләзім.
Оқи отырыңыз