Өскеменнің көшелерінде дәмді самса сатып жүрген адамның қиялы ұшқыр-ақ екен.
Өнертапқыштығы бір таңғалдырса, еңбекқорлығы тағы бір таңғалдырды. Бұған қарап, «жұмыс жоқ» деп жамбастап жатқандардікі бос сылтау дерсің. Қалауын тауып қаржы тауып отыр. - Мұны жасаған өзбектер. Тандыр пештің ішіне самсаны да өздері пісіреді. 
Мен тек сатушымын, - дейді Надежда есімді сатушы. Екі жүз теңгелік самсасы тіл үйіреді. Кейбіреудің ауласында мұндай көлік қаусап, босқа да тұрады. Ал жылжымалы тандыр пеш жасап жүрген жігітке «жарайсың» дегеннен басқа не айтасың?!
Мерей Қайнарұлы
