Ұлан ауданы Алғабас ауылында салынып жатқан 80 орындық мектептің құрылысы ШҚ облысы әкімінің тікелей бақылауына алынды, деп хабарлайды Аltaynews.kz тілшісі.


Өйткені білім ордасының құрылысы мерзімінен кешігіп жатыр. «Жаңа аймақ LTD» ЖШС-нің құрылыс басындағы өкілдері нысанды тапсыру мерзімі 15- қараша деп отыр. Алайда, бұған да күмән бар.

Себебі, құрылыс басындағылар осында арнайы бас сұққан Бердібек Сапарбаевқа спортзалдың киім ауыстыру, жуыну бөлмелерінің қайда орналасқанын да көрсетіп бере алмады. Нысан басында небәрі он шақты ғана жұмысшы жүр.

Қазіргі кезде ауылдағы ескі мектептің мұғалімдері асарға шығып, құрылысшыларға көмекке келіпті.

Бұл нысанның құрылысы да облыс әкімінің тікелей қадағалауына алынды.