«Өскемен жылу жүйелері» АҚ жылу маусымына техникалық жағынан дайын көпқабатты үйлерге жылу бере бастады, деп хабарлайды Аltaynews.kz тілшісі .«Өскемен жылу жүйелері» АҚ баспасөз қызметіне сілтеме жасап.

Бұдан бұрын хабарлағанымыздай, Өскемен қаласында жылу маусымына қосу жұмыстары биыл 2-11 қазан аралығында жүргізіледі. Ғимараттарды жылуға қосу таяудағы бес күн ішінде толық аяқталады.

Жылу беру кестесі ukteplo.kz сайтында жарияланған. Кез-келген өскемендік осы порталдан өзінің мекенжайын тауып, қай күні жылуға қосылатынын біле алады.

Тізімде жоқ тұрғындар өздерінің пәтер иелерінің комитетіне хабарласып, оның анық-қанығын анықтаулары қажет.