Шемонайхалық жастар діни экстремизмнің алдын алу шараларына бағытталған «Жанды шахмат турнирін» өткізді, деп хабарлайды Аltaynews.kz тілшісі.
Діни экстремизм жастар арасында кең белең алуда. Жастарды жаман іс-әрекеттерге итермелеп, құқықтық тәртіпті бұзуға мәжбүрлейді, сонымен қатар қоғамдық қауіпсіздікке қауіп төндіреді. Сол себепті онымен күресудің жаңа түрлері қажет.
Осындай қызықты шара аудандық Мәдениет үйі алаңында жастар орталығы және аудандық колледждер ұжымдары бірлесіп ұйымдастырған «Зұлымдық құрсауы» атты флэшмоб аясында жүзеге асты. 
Алаңда экстремизмнің дамуының баламасы ретінде шахмат тақтасы құрылды. Оның үстінде шахматтың ақ және қара фигураларын бейнелеген 32 студент тартысты ойын көрсетті. Ойын қорытындысы бойынша ақ түсті бейнедегілер жеңімпаз атанды.
Акцияға қатысушылар болашақта осындай турнирді бұдан да ауқымдырақ ұйымдастырсақ деген ниеттерін білдірді.
