Кеше Семей қаласының «Нұр Отан» ХДП филиалы Саяси кеңесінің отырысында Елбасы Н.Ә. Назарбаевтың «Қазақстан-2050» - қалыптасқан мемлекеттің жаңа саяси бағыты» атты Қазақстан халқына арнаған Жолдауы талқыланды, деп хабарлайды Аltaynews.kz тілшісі Семей қаласы әкімінің баспасөз қызметіне сілтеме жасап.
Саяси Кеңесті Семей қаласының «Нұр Отан» ХДП филиалының төрағасының бірінші орынбасары міндетін атқарушы Р. Қалиев ашып, бұл маңызды құжат қоғамның жаңа саяси бағытта дамудың жаңа қадамдарын жасауда біздің алдымызға нақты міндеттер қоятынын атап өтті.
Еліміздің саяси қоғамдық өміріндегі бұл тарихи құжатты талқылауға белсенді қатысқан «Нұр Отан» ХДП Жоғарғы партия мектебінің Шығыс Қазақстан аймақтық филиалының директоры А. Қ. Самаев баяндама жасады,, мәслихат хатшысы Ж. Елубаев, бройлер фабрикасының басшысы, қалалық маслихаттың депутаты Б. М. Тастекеев, жұқпалы аурулар емханасының бас дәрігері Эфендиев И. М., Семей мемлекеттік педагогикалық институтының ректоры М.Ә. Бектемесов, Шәкәрім атындағы № 5 гимназия директоры, ақпараттық-насихаттау тобының мүшесі Аубакирова А. М., «Жас Отан» Жастар қанатының атқарушы хатшысы Е. С. Балтабеков өз пікірлерін білдірді.
Кеңесте Семей қаласы бойынша денсаулық сақтау, білім беру, тұрғын үй құрылысы, балабақша мәселелері бойынша көптеген оңды өзгерістер аталып өтті. Соның бірден бір дәлелі ретінде салынып жатқан балабақшалар, көпсалалы аурухана, жақында қаламызда ашылған барлық жастарға деген бос уақытын өткізуге және білімін жетілдіруге арналған 400 орындық студенттер үйінің ашылуы айтылды.
Саяси кеңес қортындысы бойынша Қазақстан Республикасының Президенті - Елбасы Н.Ә.Назарбаевтың «Қазақстан-2050» - қалыптасқан мемлекеттің жаңа саяси бағыты» атты Қазақстан халқына арнаған Жолдауын халық арасында кеңінен насихаттау және жүзеге асырылуына бағытталған қаулы бір ауыздан қабылданды.
