Өскеменде жолдарды қыс мезгілінде уақытында тазаламаған бес компанияға 2,7 млн. теңгенің айыппұлы салынды, деп хабарлайды Аltaynews.kz тілшісі, қала әкімінің баспасөз қызметіне сүйеніп.
Бұл туралы өткен жұма күні өткен облыстық әкімдіктің отырысында қала әкімі Серік Тәукебаев хабарлады. Олардың арасында «Земстрой», «Өскемен Тәртіп», «Бриллиант сити», «Дороги востока», «Ремдор» компаниялары бар. Бақылауды нашар жүргізгені үшін бұл компаниялардың басшыларына тәртіптік төлетулер салынды.
Коммуналдық қызметкерлердің жұмысы қоғамдық бақылауға алынған.