Үкімет басындағылардың ұйғарымымен 50-ден аз тұрғыны бар елді мекендер таратылуы тиіс. Аймақтық картадан бір де бір тұрғыны қалмаған 6 село мүлде жоғалып кетуі мүмкін. Олар : Красная юрта, Бөрлі, Кондратьевка, Еспе, Южное және Бородулихина ауданындағы 41 разъезд, деп хабарлайды Аltaynews.kz тілшісі.
Тұрғындарының саны елуге жетпейтін ауылдар маңындағы үлкенірек елді мекендерге қосылады.
-Әрине, адамдарды олардың еркінен тыс ешкім де ешқайда көшірмейді, - деп түсіндірді экономика және бюджетті жоспарлау басқармасының маманы Мария Шумаканова. – Тек шағын елді мекендер жақын жердегі ірілердің құрамына кіретін болады.
Басқармада барлық құжаттарды аудандық әкімдердің әзірлейтінін, қайта рәсімдеуге тұрғындардан ешқандай ақша талап етілмейтінін айтты.