Бүгін Риддер қаласында Ұлыстың Ұлы Күніне орай Наурызнаманың онкүндігі басталды.

Бүгін таң атысымен риддерліктер бірін-бірі Көрісу күнімен құттықтап, сәлем беріп, құшақтарын айқара ашты, деп хабарлайды Altainews.kz тілшісі.

Ежелгі дәстүрді жаңғыртуды қолға алған Риддер қаласының тұрғындары, қоғам дәне мәдениет қайраткерлері, қала жастары бір-бірімен қол алысып, амандасып, ұлыстың алғашқы күнімен құттықтап жатты.

Риддердің тұмса табиғатының аясында бастау алған мереке  бүгін күні бойына жалғасатын болады. Көрісу күні қатысушылар қаланың 50-ден астам қоғамдық орындарында, әлеуметтік нысандарында тұрғындарды осы айтулы күнмен құттықтап, мерекелік көңіл күй сыйламақ.

Айта кету керек, Риддерде Наурыз мейрамы аясында 20 мыңнан астам адамды қамтитын түрлі форматтағы 300-ден астам іс-шара жоспарланған.