Өскемендіктерді Жаңа жыл мерекесін орталық алаң мен Коменданткада қарсы алуға шақырады.

Бұл алаңдарда жаңа жылдық концерттер мен халықтық мерекелер өтеді, деп хабарлайды Altaynews.kz.

Алаңда қаланың белгілі әртістері: Эльдар Уадинов, Темірлан Сейілжанұлы және Аяулым Қуанышева, сондай-ақ "Ладушки" ансамблі және басқа да көптеген шығармашылық ұжымдар өнер көрсетеді.

Қала тұрғындарын Аяз Ата, Ақшақар және басқа да ертегі кейіпкерлері қарсы алады. Іс-шара сағат 22:00-де басталады.

Сондай-ақ, Коменданткадағы мерекелік бағдарламаға қатысуға болады. Мұнда шығармашылық ұжымдардың қойылымдары сағат 21.00-де басталып, сағат 1.00-ге дейін жалғасады.

Сағат 1: 00-де алаңда мерекелік отшашу өтеді.

Концерттік бағдарлама сағат 2:00-де аяқталады.