Шығыс Қазақстан облысының Мәдениет басқармасы Әміре Қашаубаев атындағы мемлекеттік филармониямен келісімшартқа отырып, Made in Kz тобын жергілікті бюджеттің 20 миллион теңгесіне гастрольге аттандырмақшы деген ақпарат Protenge.kz парақшасында жарияланды.

«Өнерпаздар 27 қыркүйек күні Кембридж университетінің музейінде өтетін «Ұлы Дала алтыны» көрмесінде өнер көрсетеді. Бұған жергілікті бюджет 19,7 млн теңге жұмсамақ. Смета бойынша, музыкалық жабдықтар мен костюмдерді, көлікті қоспағанда артистердің визасы – ШҚО тұрғындарына 2,4 млн теңгеге түспек. Топтың тек ұшу билетіне облыс билігі 1,8 млн теңге төлейді. Әртістер 2,6 млн теңгеге сегіз тәулік қонақүйде жатады. Сондай-ақ, олар үш ПТР тестті 431 мың теңгеге тапсырып, 1 млн теңге гонорар алады», - деп жазылған аталған хабарламада.