Бүгін Шығыс Қазақстан облысында жауын-шашынсыз ауа райы күтіледі. «Қазгидромет» РМК деректеріне сүйенсек, таңғы уақытта ауа температурасы +17°C шамасында болса, күндіз +29°C-қа дейін көтеріледі, деп хабарлайды Altainews.kz тілшісі.

Жел солтүстік-батыстан соғады. Жылдамдығы күндіз 5-10 м/с шамасында болады, облыстың кейбір аудандарында екпіні 15-20 м/с-қа дейін жетуі мүмкін. 

Күндіз күн сәулесі белсенді болатынын ескере отырып, тұрғындарға тікелей күннің астында ұзақ уақыт болмауға кеңес беріледі. Күн сәулесінің күші әсіресе 12:00 мен 15:00 аралығында жоғары болады. Осыған байланысты жеңіл, ашық түсті киім киіп, бас киім мен күннен қорғайтын көзілдірік қолдану ұсынылады. Сонымен қатар ағзаның сусыздануын болдырмау үшін жеткілікті мөлшерде су ішу қажет.