Катонқарағайда өтіп жатқан «Алтай – түркі әлемінің алтын бесігі» халықаралық фестивалінің құрметті қонақтарының бірі көмеймен ән айту өнерінің шебері, тывалық танымал орындаушы Алексей Ховалыг болды. Ол – көмеймен айтатын ерекше орындау мәнерімен танылған көне дәстүрдің өкілі, туыстас тыва халқының рухани мұрасын сақтаушы өнер иесі, деп хабарлайды Altainews.kz тілшісі.

Алексей Ховалыг сахнаға шығып, көрерменге ата-бабалардан келе жатқан ежелгі көмей әнін орындап, көрерменді тәнті етті.

Алексей Ховалыгтың көмеймен орындаған әні көрерменнің ерекше ықыласына бөленді. Оның орындауындағы әрбір әуен – табиғатпен үндесіп, Алтайдың саф ауасымен үйлесіп жатты. Тыва өнерпазының шеберлігі мен орындау мәнері фестивальдің шоқтығын биіктетіп, түркі әлемінің ортақ рухани мұрасын ұлықтай түсті.

Айта кетейік, «Алтай – түркі әлемінің алтын бесігі» фестивалі – бауырлас халықтардың мәдени байланысын нығайтатын маңызды алаң.