Күршім ауылында 35 жыл бойы тоқтап тұрған №5 орталық қазандықты жаңғырту жұмыстары жүріп жатыр. Жобалау және қайта құру жұмыстары биыл наурыз айында басталған. Мұнда қуаттылығы 1,5 гигакалория болатын бес қазандық орнатылады, қазір үшеуі орнатылған, деп хабарлайды Altainews.kz тілшісі.

Жаңғыртылып жатқан №5 қазандық он мемлекеттік мекемені, бір мектеп пен бір балабақшаны қамтитын болады. 

Күршім ауданы ТҮКШ, автомобиль жолдары және жолаушылар көлігі бөлімі басшысының міндетін атқарушы Самал Әскеркелдіқызының айтуынша, бүгінде Күршім ауылында төрт орталық қазандық жұмыс істеп тұр. Олардың үшеуі бұрыннан, ал төртіншісі 2023 жылдан бастап іске қосылған. Бұл қазандыққа бір мектеп, үш көпқабатты тұрғын үй және пошта мекемесі қосылған.

Сонымен қатар бұрын пайдаланылған алтыншы қазандықты қалпына келтіру де жоспарда бар. Егер оған қаржы бөлінсе, көпқабатты тұрғын үйлер мен екі мемлекеттік мекеме орталық жылу жүйесіне қосылатын болады.

Фото: Екатерина Семина