Балалар – ең осал топ. Олар түрлі қауіп пен төтенше жағдайларға жиі ұшырайды. Бұл әсіресе жаз мезгілінде, демалыс кезінде өзекті бола түседі, деп хабарлайды Altainews.kz тілшісі.

Жолда абай бол!
– Жол қозғалысы ережелерін сақта.
– Жолдан тек жаяу жүргінші өткелімен өт.
– Жүгірме, құлаққап киме, жан-жағыңа қара.

Бейтаныс адамдардан сақтан!
– Бейтаныс адамдармен сөйлеспе.
– Бөгде адамның көлігіне отырма.
– Тәтті немесе сыйлыққа алданба.

Судағы қауіпсіздік – аса маңызды
– Тек рұқсат етілген орындарда шомыл.
– Тереңге жүзбе, суда ойнама.
– Ересектерсіз суға түспе.
– Қауіп төнсе – дереу көмек шақыр!

Түнде серуендеуге болмайды
18 жасқа толмаған балалар сағат 23:00-ден кейін ата-анасыз қоғамдық орындарда жүре алмайды. Бұл – сенің қауіпсіздігің үшін қабылданған ереже.

Қауіп төнген жағдайда – 102 нөмірін есіңде сақта!
Сенің қауіпсіздігің – өз қолыңда.