Күршімде туризмді дамытуға басымдық берілмек
Күршім ауданының географиялық жағдайы бұл өңірді туризм орталығына айналдыруға мүмкіндік береді. Туризм – экономиканы әртараптандырудың негізгі бағыты ғана емес, сонымен қатар шағын және орта бизнесті дамытып, тұрғындарды тұрақты әрі табысты жұмыспен қамтудың бір жолы, деп хабарлайды Altainews.kz тілшісі.
– Ауданда экологиялық, ауылдық, емдеу-сауықтыру және мәдени-танымдық туризмді дамытуға мүмкіндік мол. Туристер ең көп қызығатын орындар – Қиын-Керіш шатқалы, Шекелмес мүйісі және Бұқтырма су қоймасының жағалауы. Әсіресе, жыл бойы жұмыс істеуге қолайлы Бұқтырма жағалауында туризмді дамытуға ерекше назар аударылмақ. Бұл ретте ретсіз құрылысқа жол берілмейді, – деді облыс әкімі Нұрымбет Сақтағанов Күршім ауданының халқымен кездесуде.
Қазір ауданда туристерді қабылдайтын 4 нысан бар: Күршім ауылында 64 орындық үш қонақ үй және Сарыөлең ауылында 100 орындық балалар лагері. 2024 жылы туристер саны 35 пайызға өсіп, 2,7 мың адамға жеткен (2023 жылы – 2,0 мың адам).
Аймақ басшысы туризмнің дамуы тек демалыс орындарын ашумен шектелмейтінін де атап өтті.
– Бұл – жол, байланыс, қауіпсіздік, жол бойындағы қызмет көрсету, тамақтану және қызмет сапасы. Біз бұл мәселелерді жүйелі түрде шешіп келеміз, – деді ол.
Фото: Жібек Нұрахмет
Оқи отырыңыз
Марқакөл жақта төрт-бес қонақ үй жұмыс істеп тұр. Күршімдегі туризм туралыКатонқарағай әкімі: "Биыл туристер саны екі есеге артты"Табиғаты тамсандырған Зайсанға 2024 жылы 20 мыңдай турист келгенСамар ауданы: жағажай туризмі және жаңа мүмкіндіктер ШҚО-ның туристік әлеуеті өңірдің дамуына оң ықпал етуде
