Дропперлік – ауыр қылмыс: ІІМ ескерту жасады
Фото: gov.kz
Ішкі істер министрлігі азаматтарды дропперлердің қатысуымен жасалатын есірткі қылмыстары туралы ескертеді, деп хабарлайды Altainews.kz.
Министрліктің мәліметінше, соңғы уақытта кейбір азаматтар оңай пайда табу мақсатында заңсыз желілер арқылы есірткі айналымына тартылып жүр. Қылмыскерлер олардың банк карталары мен криптовалюта әмияндарын, сондай-ақ басқа да төлем құралдарын пайдаланады. Бұл әрекеттердің басты мақсаты – есірткі бизнесінің ізін жасыру.
– Есіңізде болсын: банк карталарын, мобильді қосымшаларды және криптоәмияндарды үшінші тұлғаларға беру жай қателік емес, бұл ауыр қылмысқа қатысыңыз бар дегенді білдіреді. Егер сіздің төлем құралдарыңыз есірткімен байланысты қаржылық операцияларда пайдаланылса, бұл қылмыстық іс бойынша дәлел ретінде қаралады және қатаң жазаға әкелуі мүмкін. Мұндай әрекеттер бас бостандығынан айыру жазасымен аяқталады, – деді ІІМ есірткі қылмысына қарсы іс-қимыл комитеті төрағасының міндетін атқарушы Данияр Мейірхан.
Министрлік азаматтарды сақ болуға, алаяқтардың арбауына түспеуге және заңсыз әрекеттерге жол бермеуге шақырады. Сондай-ақ күдікті жағдайлар туралы бірден полицияға хабарлау қажеттігін еске салды.
Оқи отырыңыз
Ішкі істер министрлігі: Үш күнде төрт есірткі зертханасы жойылдыЕсірткі қылмысына барған 25 жасөспірім ұсталдыИнтернет-алаяқтықпен күрес: дропперлер қылмыстық жауапкершілікке тартыладыПолиция төрт айда 20 ұйымдасқан қылмыстық топтың жолын кесіп, 3,5 тонна есірткі тәркіледіЕсірткі және адам саудасы қарапайым азаматтардың есепшорттары арқылы жүргізілген
