ШҚО әкімі «Қайрат» пен «Реал» ойыны туралы: Мұндай деңгейдегі ойын ел танымалдығын да арттырады
Фото: FC Kairat Almaty
Чемпиондар лигасының кезекті турында алматылық «Қайрат» мадридтік «Реалға» қарсы алаңға шықты. Бұл кездесу ел футболы үшін тарихи сәттердің бірі болды. Өткен ойынға байланысты Шығыс Қазақстан облысының әкімі Нұрымбет Сақтағанов өзінің әлеуметтік желідегі парақшасында пікір қалдырды, деп хабарлайды Altainews.kz тілшісі.
Әкім алматылық клубтың өнерін жоғары бағалап, жастарға шабыт сыйлайтынын атап өтті. Оның айтуынша, «Қайраттың» халықаралық деңгейдегі кездесулері қазақ футболының беделін көтеріп, жас буынға жаңа серпін береді.
«Жігіттердің тыңғылықты дайындалғаны, жанкүйерлерін қуантуға бар жан-тәнімен тырысып жатқаны көрініп тұр. Әсіресе жас талантымыз Дастан Сәтбаевтың жасындай жарқылдап жүргені көз қуантып отыр. Алматылық клубтың осындай турнирде өнер көрсетуі Қазақстандағы мыңдаған жас буынға шабыт сыйлайтыны сөзсіз. Мұндай деңгейдегі ойын ел танымалдығын да арттырады»
Облыс әкімі сондай-ақ, қазақ футболына, оның ішінде шығыстың «Алтай» клубына да жарқын жеңістер тілейтіндігін жеткізді.
Оқи отырыңыз
«Қайраттың» тарихи жеңісі: алматылық клуб Чемпиондар лигасының негізгі кезеңіне жолдама алдыЧемпиондар лигасы: «Қайрат» мадридтік «Реалға» 0:5 есебімен жол бердіЧемпиондар лигасы: «Қайрат» – «Реал Мадрид» ойыны тікелей эфирде көрсетіледі30 мыңнан 250 мың теңгеге дейін: "Қайрат" пен "Реал Мадрид" матчының билеттері қашан сатылады?Қайрат Чемпиондар лигасында ойнайды. Қарсыластары кім?
