– Зайсан аудандық сотының қаулысымен Шілікті ауылдық округі әкімі ҚР Әкімшілік-құқық бұзушылық туралы кодекстің 434-бабы, 1-бөлігі бойынша әкімшілік құқықбұзушылық жасағаны үшін кінәлі деп танылып, оған 55 048 теңге көлемінде әкімшілік айыппұл түріндегі жаза тағайындалды. Ал біздің тарапымыздан қызметтік қатаң сөгіс берілді. 
Сонымен қатар, Зайсан ауданының әкімі де бұл жағдайға қатысты қызметтік сөгіс алып, жауапкершілікке тартылды. Ауыл әкімінің ісі облыстық тәртіптік кеңесте қаралып, әкім кешірімін сұрап, ісінен тиісті қорытынды шығарды. Себебі, ол әкімді осыдан екі ай бұрын сол Шілікті ауылының халқы өздері дауыс беру арқылы сайлаған болатын. Тұрғындар өздері де осы мәселемен маған шықты. Қызметін дұрыс атқарып жүр. Оның үстіне, ол сөзге келіскен адамдар жергілікті тұрғындар емес, өзге қаладан келген адамдар екені анықталды. Алайда, бұл мәселе де оның жауапкершілігін ешқашан жеңілдетпейді. Мемлекеттік қызмет деген ауыр шоқпарды белге байлаған соң, мемлекеттік қызметші барынша сабырлы болып, елге мінсіз қызмет етуі қажет. Бұл мемлекеттік қызметшінің қызметтік этикасында да, Әдеп туралы кодексте де айқын көрсетілген. Сондықтан, бұл бәрімізге де қатысты әрі уақытында нақты шара қабылданды. Болашақта қайталамайды деген сенімдемін, – облыс басшысы.