Бұқтырмадағы паром жөнделіп, сағат 16:00-де рейске шықты, деп хабарлайды Altainews.kz тілшісі. 
Бұл туралы Шығыс Қазақстан облыстық жолаушылар тасымалы және автомобиль жолдары басқармасының басшысы Нұржан Жұмаділов хабарлады. 
Естеріңізге сала кетсек, бүгін аз уақытқа паромның бірі тоқталып, жөндеу жұмыстары жасалған болатын. Жауапты басқарма да, аудан да мұндай жағдайда жолаушы тасымалын тоқтатпау жолдары қарастырылғанын көрсетті. Екі жағалау арасындағы қозғалыстың үзілмеуі "Одесса" шағын баржасы арқылы жүзеге асырылды.