Ұлан ауданы Қасым Қайсенов кентінде жаңғыртудан өткен Батырлар аллеясының салтанатты ашылуы өтті, деп хабарлайды Altainews.kz  тілшісі.

Алғаш рет 2015 жылы «Туған жерге тағзым» акциясы аясында кәсіпкер-меценат Қайрат Мусиннің бастамасымен бой көтерген бұл аллея биыл толық жөндеуден өтіп, жаңа келбетпен ел игілігіне қайта берілді. Жаңартылған нысан – батырлардың ерлігін ұлықтап, тарихи шындықты сақтау, жас ұрпаққа патриоттық тәрбие беру мақсатында жасалған маңызды қадам.

Салтанатты шара биылғы Ұлы Жеңістің 80 жылдығына арналған «Ұлы Жеңіс: Ерлікке тағзым, ұрпаққа үлгі» атты мерекелік жиын аясында өтті.

Шараға Халық қаһарманы Қасым Қайсеновтің ұлы Болат Қайсенов те арнайы қатысты.

Салтанатты жиын барысында Ұлы Отан соғысында қаза тапқан жауынгерлерді бір минут үнсіздікпен еске алып, ескерткішке гүл шоқтары қойылды.

Фото: Махаббат Ахметжанова

Видео: Жәнібек Ырысбай