Ауа температурасының жоғарылауына байланысты Ұлан ауданындағы Аблакетка өзенінің су деңгейі бір тәулікте 73 см-ге жетті. Бұл туралы ШҚО ТЖ баспасөз қызметі хабарлады.

Жиналған су Өскемендегі "Солнечная долина" саяжай қоғамындағы аумақ пен үйлерді басты.

- Саяжай қоғамында 226 бақша учаскесі бар. Оның 31-ін су басты. Бұл үйлерде ешкім тұрмайды. Саяжай аумағында екі үйдің ғана тұрғыны бар. Алайда олардың үйлеріне қауіп жоқ, - деп хабарлайды ШҚО ТЖ баспасөз қызметі. 

Отбасылардың бірі уақытша тұрғылықты орнын ауыстырды. Екінші үй иелері эвакуациядан бас тартқан ШҚО ТЖД мен қала әкімдігінің мамандары жағдайды бақылауда.