Кеше Шығыс Қазақстан облысында ауа райының қолайсыздығы салдарынан бірнеше автожолдар жабылып, қозғалысқа шектеулер енгізілді.

Өскемен – Самара тасжолында шамамен 40 көлік қар құрсауында қалып қойған. Оқиға орнына келген патрульдік полиция қызметкерлері колоннаны жүргізіп, қауіпсіз қозғалысты қамтамасыз етті. Олар көліктерді қауіпті аймақтан шығарып, жүргізушілер мен жолаушылардың амандығын сақтады.

Тәртіп сақшылары жүргізушілерге жолда сақтық шараларын қатаң сақтау қажеттігін ескертеді. Ауа райы жағдайына байланысты алыс сапарға шықпас бұрын жолдардың ашық немесе жабық екендігі туралы ақпаратты алдын ала тексеру маңызды.