ҚР Президенті Қасым-Жомарт Тоқаев Ұлттық сенім кеңесінің бесінші отырысында ауылда баспаналар салу мәселесіне тоқталды, - деп хабарлайды Altaynews тілшісі strategy2050.kz сайтына сілтеме жасап. 

Отырыста ауылдық жерде үй салу - экономикалық белсенділікті арттыруға, тұрмыс сапасын жақсартуға әсер ететіні айтылды. Президент ауылда баспаналар салу мәселесіне кеңінен тоқталды. 

"Кәсіпкер өз жұмысшыларына арнап үй салса, мемлекет 50 пайыз шығынын өтеуге дайын. Бұл бастама ауылды жан-жақты дамытуға септігін тиігізеді. Бұл бастаманы Үкімет осы жылдың 2-жартыжылдығына дейін жүзеге асыруы керек", - деп тапсырды Президент.

Тоқаев халықтың тұрмысын жақсартуды қолжетімді баспанамен қамтамасыз етуден бастау керегін айтты.