– Қазір жастар әлеуметтік желілерде қаралым жинау үшін мемлекеттік рәміздерді қорлау фактілеріне дейін баратыны өкінішті. Осы орайда ескерте кеткім келеді, мемлекеттік рәміздер әлемнің барлық елінде Конституциямен қорғалады. Қазақстанда да мемлекеттік рәміздерді құрметтеу жас ерекшелігіне қарамастан әр азаматтың міндеті. Егер басқа қылмыстарға қатысты жауапкершілік 18 жастан бастап қарастырылып, оған дейін ата-анасы жауап беретін болса, мемлекеттік рәміздерді қорлаған жағдайда жасөспірімнің өзі жауапқа тартылады, – деді Мәдениет және ақпарат министрлігінің геральдикалық жұмыс басқармасының басшысы Гүлдана Мәлікқызы.