Шығыс Қазақстан облысында ағымдағы жылдың 14 қаңтарынан 16 қаңтарына дейін «Тасымалдаушы» республикалық жедел профилактикалық іс-шарасы өтті,- деп хабарлайды Altainews.kz тілшісі.

Оның басты мақсаты – жол қауіпсіздігін қамтамасыз ету, жолаушылар тасымалын жүзеге асырудағы заң бұзушылықтарды анықтау және жеке тұлғалардың тарапынан жолаушыларды және жүктерді заңсыз тасымалдау фактілерін болдырмау.

Бұл іс-шара барысында патрульдік полиция жасақтарының жұмысы күшейтіледі, сондай-ақ мүдделі органдармен бірлескен рейдтік тексерістер ұйымдастырылады.

Полиция қызметкерлері жүргізушілерді жол жүрісі қағидаларын қатаң сақтауға шақырады, өйткені ол – сіздің және басқа жол қозғалысына қатысушылардың қауіпсіздігінің басты кепілі.

ШҚО полиция департаменті