Күрделі диагнозбен түскен науқасты аман алып қалды – Өскемен
![](/kz/uploads/posts/2023-04/c6d342a8-cd0c-45e6-8347-8b41812ba498.webp)
Өскемендік кардиохирургтер қолқасы жарылған ер адамды аман алып қалды. Науқас облыстық ауруханаға жүрек талмасы белгілері бойынша жеткізілгеніменКТ нәтижесі бойынша аорта диссекциясы деген диагноз қойылған.
Ең күрделі операцияның бірін өткізген дәрігерлер 10 сағатқа жуық уақыт науқастың өмірі үшін арпалысты, деп хабарлайды Altaynews тілшісі.
Көше ортасында жағдайы нашарлаған науқас бар күшін жинап көлігіне жетіп, жарына қоңырау шалған. Осылайша жедел жәрдем көлігі науқасты ауруханаға жеткізді.
Кардиологиядағы ең ауыр диагнозбен түскен науқастың қолқа тамыры түгел, яғни жүректен бастап жамбасына дейін зақымдалған, қолқа қақпақшасына да зарар келген.
Аталған патология көп жағдайда өлімге әкеледі екен. Түні бойы жалғасқан ота барысында науқасты жасанды қан айналымына қосып, денесін 29 градусқа дейін салқындатқан. Дәрігерлер қолқа қалпақшасын механикалық құрылғыға, тамырды жасанды тамырға ауыстырды.
Отадан кейін жағдайы жақсарған емделушіем-дом шараларын оңалту орталығында қабылдайды.