Полиция «борышкерлерді» іздестіруді бастады – Өскемен
Бүгін облыс орталығында «Борышкер» жедел-профилактикалық іс-шарасы басталды.
Полиция қызметкерлері қала көшелерінде рейд жүргізіп, айыппұлдан жалтарғандарды анықтайды, деп хабарлайды Altaynews тілшісі.
- 21-23 тамыз аралығында облыс орталығында "Борышкер" жедел-профилактикалық іс-шарасы өтеді. Іс-шараның мақсаты – құқық бұзушылардан әкімшілік айыппұлдарды өндіріп алу және айыппұлдарды уақтылы өтеу қажеттілігі туралы халықты хабардар ету, – дейді қалалық полиция басқармасы.
Профилактикалық шара барысында полицейлер мемлекеттік автомобиль нөмірлерін тексеретін болады. Егер жүргізуші борышкерлер тізімінде болса, көлік қарызы өтелгенге дейін айыппұл тұрағына жіберіледі.
Оқи отырыңыз
