Облыс орталығында Қазақ мемлекеті белгіленген көне карталар экспозициясы әлі де жалғасып жатыр.

Қазір көрме Тоқтаров 47а мекенжайындағы ескі драма театрға қойылған, деп хабарлайды Altaynews тілшісі.

Қала тұрғындары мен қонақтары көрмені күн сайын сағат 09.00-ден 18.00-ге дейін тамашалай алады, 13.00-ден 14.00-ге дейін түскі үзіліс.

Л.Гумилев атындағы ЕҰУ-дің Заманауи зерттеулер институты директоры, ғалым Мұхит-Ардагер Сыдықназаров ұйымдастырған көрме ұлт тархынан сыр шертеді. Онда 16-19 ғасырлар аралығында жасалған, қазір Еуропа мен Америка мемлекеттерінің мұрағаттарында сақталып тұрған картографиялық жәдігерлердің дәл көшірмелері қойылыпты.

Мұндай экспозиция өңірде алғаш рет ашылғанын да айта кету керек.