Шығыс Қазақстан сәулет-этнографиялық және табиғи-ландшафтық музей-қорығында жыл сайынғы «Музей түні» халықаралық акциясы өтті. Осы жылы акция «Алтай – аңыз-әпсаналар өлкесі» деген атау алды, деп хабарлайды Altainews.kz тілшісі.

Іс-шара Қ. Қайсенов атындағы этносаябақтың мұражайы мен көрме ғимараттарында өтті. Қонақтар концерттерден бөлек, түрлі шығармашылық шеберлік сабақтарын, қолөнершілер жәрмеңкелерін тамашалап, тақырыптық экскурсияларға, ұлттық ойындарға, фольклорлық жиындарға қатыса алды. Сондай-ақ келушілер үшін сауда сөрелері мен тантамарескалар – этнобейнеде естелік фотосуретке түсуге арналған стендтер қойылған.

Айта кетейік, «Музей түні» акциясы жыл сайын 18 мамырда аталып өтілетін халықаралық Музей күніне орайластырылған.

Қала тұрғындары аталмыш мерекені асыға күткендерін айтып, өз эмоцияларымен бөлісті.

 Фото: Махаббат Ахметжанова