Ит-мысықты қай жерде тегін чиптейді? – Өскемен
Фото: depositphotos.com
«Өскемен – Вет» кәсіпорны әлеуметтік осал топтарға жататын тұрғындардың иттері мен мысықтарын тегін чиптейді, деп хабарлайды Altainews.kz тілшісі.
ШҚО ауыл шаруашылығы басқармасына қарасты «Өскемен – Вет» ШЖҚ КМК иелері тұрғындардың әлеуметтік осал топтарына (зейнеткерлер, көпбалалы аналар, мүмкіндігі шектеулі жандар, соғыс ардагерлері және т.б.) жататын иттер мен мысықтарды тегін чиптеу жұмысын жүргізетінін хабарлайды. Мекенжайы: Меновное ауылы, Горький к-сі, 11А.
– «Жануарларға жауапкершілікпен қарау туралы» заңға сәйкес мысықтар мен иттерге чип тағу және оларды арнайы есепке қою міндетті, – дейді «Өскемен – Вет» кәсіпорнының қызметкері Гүлдана Асылбекова.
Жұмыс кестесі: дүйсенбіден жұмаға дейін сағат 09-00-ден 17-00-ге дейін, түскі үзіліс – сағат 13-00-ден 14-00-ге дейін. Сенбі, жексенбі – демалыс күндері.
Оқи отырыңыз
