Өскемен-Риддер бағытында полиция жүргізушіге жедел көмек көрсетті (видео)
Шығыс Қазақстан облысы Полиция департаментінің 102 арнасына облыс орталығының тұрғынынан алғыс айтылған қоңырау келіп түсті.
Жүргізуші полиция қызметкерлерінің оған қиын сәтте көрсеткен көмегі туралы бөлісті. Жақында ер адам «Өскемен-Риддер» тасжолында автокөлігі істен шығып, қиын жағдайға тап болған. Ол патрульдік полицейлердің көлікті байқап, дереу көмекке келгенін атап өтті. Қызметкерлер көлікті сүйреп, жүргізушінің қауіпсіздігі мен жайлылығын қамтамасыз еткен.
— Азамат патрульдік көліктің нөмірін есте сақтап үлгермегенімен, полицияға қоңырау шалып, шынайы ризашылығын жеткізуді ұйғарды, – деп хабарлады ШҚО Полиция департаменті.
ШҚО Полиция департаменті азаматтардың алғыс білдіруіне ризашылық білдіріп, полиция қызметкерлері кез келген жағдайда көмек көрсетуге дайын екенін еске салады.
Оқи отырыңыз
ШҚО ПД қызметкерлері көлігі бұзылған жүргізушілерге көмектестіШҚО полицейлері жолда қалған жүргізушіге көмектестіҚар құрсауында қалған автомобиль жүргізушісіне полицейлер көмекке келді - ШҚОПолицейлер жолда қалған балалы әйелді ауруханаға жеткізді – ШҚОГрузиядан келген "дальнобойщик" Өскемен-Семей тасжолында қалып қала жаздады
