Өскемен-Самар бағытындағы автожолдың 98-ші шақырымында қар көшкіні орын алды. Аталған учаске "ОблШығысЖол" мекемесіне қарасты ПДУ-4 бөлімшесінің бақылауында. Қазіргі уақытта жолды тазалау жұмыстары жүргізілуде. Оқиға орнында үш техника жұмыс істеп жатыр: грейдер, МТЗ тракторы және шнекті қар тазалағыш.  

Жол қозғалысы қауіпсіздігін қамтамасыз ету үшін арнайы техника үздіксіз жұмыс жасауда. Жергілікті билік жағдайды жіті бақылауда ұстап отыр және тиісті қызметтер қажетті шараларды дер кезінде қабылдауда. Жүргізушілерге сақтық шараларын сақтап, ауа райының қолайсыздығына байланысты жолға шықпас бұрын жағдайды бақылауға кеңес беріледі.

Фото: Pexels.com