«Бір қабатты Шығыс»: Алтай қаласында 16 отбасы баспаналы болды (видео)
Бұл бағдарлама көпбалалы отбасыларды және әлеуметтік осал топтарды тұрғын үймен қамтамасыз етуге бағытталған. Жаңа жыл қарсаңында 16 көпбалалы отбасы жаңа үйлердің кілтін алды, деп хабарлайды Altainews.kz тілшісі.
Салтанатты шара бүгін Алтай қаласының орталық алаңында өтті. Оған Алтай ауданының әкімі Ренат Құрмамбаев қатысып, жаңа қоныс иелерін қуаныштарымен құттықтады. Мемлекеттік бағдарламалар халық игілігі үшін жұмыс істеп, меншік баспанаға ие болу арманын шындыққа айналдыруда.
– Осындай отбасыларға қамқорлық пен қолдау көрсетіп жатқан мемлекетімізге үлкен алғысымды білдіргім келеді, – деді Мәдина Смайылова.
– Біздің ауданымызда осындай бағдарламаның жүзеге асырылып жатқанына, соның аясында тұрғын үй жағдайымызды жақсарта алғанымызға өте қуаныштымын, – деп қуанышымен бөлісті Айтжамал Молдақұсманова.
Шығармашылық ұжымдар қала тұрғындары мен жаңа қоныс иелеріне арналған ойындар мен конкурстардан тұратын мерекелік жаңажылдық музыкалық концерт ұсынды.
Ержан Әбіш
Оқи отырыңыз
